Би 7 хоног бүр гардаг Японы *ТАНАЙД ХОНОЁ* нэвтрүүлэг /яг ийм нэртэй биш л дээ/ үздэг юм. Магадгүй орон оронд л манай монголынхтой адил нэвтрүүлэг байдаг байх л даа. Эхлээд Монголынхоо Танайд хоноё нэвтрүүлэгийг үздэг байхдаа их сонирхолтой байсан юм. Харин сүүлийн үед нэг л бишээ. Нэг бол захиалгаар ч юм шиг эсвэл аль нэг сонгууль ямар нэгэн компанийн суртчилгааны зорилгоор ч юм шиг, эсвэл хэн нэгэн хүнийг доромжилох гэж байгаа ч юм шиг сэтгэгдэл төрчихлөө. Хамгийн сүүлд Ганбуушийнд хоносон нэвтрүүлэгийг үзээд Тэнгисийн мулгуу ичиж улаймаар асуултуудыг сонсооод өмнөөс нь цохиод авмаар санагдсан. Олон ч хүн үзэж олон ч хүн бухимдав бололтой. Хүн мэдлэггүй амьдрал мэдэхгүй байж болно л доо. Гэхдээ хүнд ямар ч хүнийг хүн гэдэг утгаар нь хүндлэн дээдлэх ухамсар тэр залууд алгаа. За ингээд муу хэлэхээ болъё. Зарим нь өөрийгөө хичээхгүй байж хүн муу хэллээ гэх байх.

За тэгсэн Японы Танайд хоноё нэвтрүүлэг үзжээ суухад их юм бодогдуулсан сайхан нэвтрүүлэг болсон байх юм. Онцлог хэдэн зүйл энд байх юмаа.

1. Ихэвчлэн ард иргэдийнхээрээ явж яаж аж амьдралаа залгуулж байгаа талаар тэд нарын амьдралын хэв маяг, арилжаа наймаа, хоол унд байшин савыг илүүтэй гаргах юм. Бас ямар нэгэн бизнес хийж байгаа айлын арга туршилгаас нь зааасан сурталчилсан байдлаар. Энэ нь үзэгчдэд их сургамжтай үлдэцтэй байдгаар сайхан.

2. Нэвтрүүлэг хөтөлдөг хүн нь ганцxан хүн хэсээд байхгүй. Нэвтрүүлэг болгондоо японы алдартай дуучин, хөгжимчин, зураач, загвар өмсөгч, кино жүжигчин, нэвтрүүлэгч, хошин шогийнхон, гэх мэт төрөл бүрийн мэргэжлийн хүмүүс явж айлд хонодoг юм.

3. Тэд нарыг Японы хөдөө тосгоныхон нь зарим нь огт танихгүй зарим нь танина. Хонох айлынхаа гадаа ирчихээд танайд хoнoж болохуу гэж зөвшөөрөл авна. Гэхдээ мааааааш эелдэгээр гуйна. Мэдээж айл болгон оруулахгүй уучлаарай гээд гаргана бүүр шөнөжингөө хонох айлаа олохгүй ч үе байдаг.

4. Ингээд хэрэв хонуулах зөвшөөрөл авбал бөөн баяр болно. Гэхдээ тэдэнд мяшок гэж юм байдаггүй. Айл бүхэн сайхан ор засаж өгнө.

5. Орсон айлтайгаа сайхан ярилцана. Тэр айлынхаа талаар сайхан дуртгал дурсамж гээд товч танилцуулгыг зураг хөрөгтэй нь гаргаж сэтгэлд шингэсэн байдлаар тайлбарлана.

6. Хэрэв тухайн айлд зурааач хүн тэр өдрийн нэвтрүүлэг хөтөлсөн бол тэр айлдаа тэр өдөр юу болж өнгөрсөн талаараа сайхан зураг зурж өгнө. Хэрэв дуучин нэвтрүүлэг хөтөлвөл сайхан дуу хуур болж тэр айл нэг оройжин бужигналдана. Хошин шогийнхон хөтөлж байвал бүүр хөгжилтэй бараг л тэр шөнөжингөө юм болно гэх мэт.

6. За өглөө босоод Алтантүрүү, Тэнгис 2 шиг сүүлээ хавчиад зугатааж буй мэт явчихдаггүй. Босонгуутаа ор дэрээ хураагаад цайгаа ууна. Тэгээд өөрийнх нь туслаж болох юу л байна оролцоно доо.

7. Оройхон хэрд явах дөхнө. Тэр үед тухайн хөтлөгч ямар бэлэг бэлдсэн тэрийгээ хонуулсаны талархал болгож өгнө.

8. Үдэлт нь хамгийн гайхамшигтай. Үдэлт болгон дээр би уйлдаг хэхэхэхэ Чин сэтгэлээсээ баяртай гэж тэвэрэлдэж сэтгэлийн үгсээ хэлж байгаа нь үнэхээр сайхан. Айлын эзэд нь анх хоноё гэхэд нээх сандрангүй хүйтэн гайхсан байдалтай байсан бол үдэж байхдаа нялх хүүхэд мэт даган гараа даллан хоцорч байгаа нь сэтгэл догдлуулчихдаг юм

9. Тэгээд эцэст нь явсан газрынхаа байгалын онцлог эсвэл тэр хавийн тэндээ алдартай бүтээгдэхүүн дэлгүүр гэх мэтийг нэвтрүүлэгийнхээ завсарт нь хавчуулаад гаргах нь сайхан сонирхолтой байсөөөн

За ингээд болоо. Монголд ТАНАЙД ХОНОЁ нэвтрүүлэг байна уу байна. Гэхдээ зүгээр л айлд л хонооод байгаа юм шиг. Нэвтрүүлэг үзэгчиддээ үлдэцтэй байвал сайхан шүүдээ. Авууштай сайхан ганц хоёр дугаар байдаг л даа. Гэхдээ чанаргүй нэвтрүүлэг.